How do you start working and designing social media posts and advertisements from the first time you receive the job until the image is delivered to the customer?

أزاى تبدأ تشتغل وتصمم بوستات السوشيال ميديا والأعلانات من أول ما تستلم الشغل لحد ما تسلم الصورة للعميل.

فى البداية واهم نقطة لازم تاخذ المعلومات الكافية من العميل عن الصورة او البوست المراد انه يصمم ليه الصورة.. بعدين هاتبدأ تعمل تغذيه بصريه وهاتكون كالاتي:

هاتدخل هنا على موقع https://www.pinterest.com

هاتعمل حساب على الموقع.. ومن خلال محرك البحث هاتكتب :

social media design

هاتظهر معاك كتير جداً من التصميمات فى مختلف المجالات.. شوف التصميمات وركز جداُ على المجال اللى هاتصمم فية نفس البوست بتاعك.. وليكن الاكل مثلا.. ركز على تصميمات الاكل الخاصة بالمطاعم.

او ممكن تستعمل موقع https://www.behance.net بنفس الطريقه

بعد ما تشوف كذا تصميم بنسبه 95% هاتلقى فكرة تصميم جت فى دماغك للبوست بتاعك.. وهنا هاننتقل للخطوة اللى بعدها وتعتبر الاهم لانها هاتكون مبنيه عليها التصميم بتاعك وهي تجميع الصور اللى هاتستعملها فى تصميماتك وهنا انا برشح بعد البحث واستعمال مواقع كتير موقع https://www.cleanpng.com/

هاتبدأ تدخل على الموقع وبناءاً على االفكرة اللى جت فى دماغك هاتبدأ تبحث عن العناصر اللى هاتستخدمها في التصميم بتاعك وليكن محتاج فرخة مشوية مثلا فها تكتب chicken محتاج مبني مثلا هاتكتب building وهكذا..

دلوقتي جمعت العناصر هاتبدا تفتح الفوتوشوب وتبدأ تجمع الفكرة اللى معاك في صورة واحدة وهنا احنا في الغالب بنلعب على نقطة الدمج "بالانجليزية: manipulation" .

في بعض الاحيان ممكن تحتاج تستعين بمواقع زي

https://www.freepik.com

او موقع

https://pixabay.com

بقولك احياناً لان الموقع الاول هايغنيك بشكل كبير عنهم ولكن ممكن تحتاجهم فدول هايبقوا الانسب مع الاول طبعاً ولا غني عنه.

بعد ما بتخلص بتبدأ تحط مؤثرات بصرية واضاءة للصورة هاتلقاهم على موقع cleanpng اللى شرحته ليك فوق.. هاتكتب فى محرك البحث كلمة "light" وكلمة "effect" الاولى ضوء والتانية تأثير. ولكن راعي ان المؤثرات تكون قليله بحيث ماتخليش التصميم مش ظاهر.

بعد ما هاتخلص هاتخرج الصورة من البرنامج وتسلمها للعميل.

تصميم الصورة هياخدك منك حوالى 30 الى 90 دقيقة

 حسب الشغل والفكرة اللى هاتعملها

فرجاء بسيط ياريت محدش يخلينى اندم انى شرحت الكلام ده بانه ينزل فى اسعار التصميمات السوق ماشى ما بين 5 الى 15 دولار لتصميم الصورة الواحدة

وممكن يزيد كمان عن كدة حسب الجهة اللى هاتصمم ليها الصورة ولكن ده الرينج التقديري للأسعار للأشخاص العاديين والمؤسسات الصغيره فبلاش نسمع كلام 5 او 10 صور ب 5 دولار وربنا يوفقكم جميعاُ.